«Ֆլայ Գյումրի» առցանց նախագիծը (#FlyGyumri Project) Գյումրիի զբոսաշրջային հնարավորություններն է ցուցադրում՝ թույլ տալով որոնել ինչպես ավիատոմսեր երկկողմ ուղղություններով, այնպես էլ հյուրանոցներ Գյումրիում։
Կայքում ներդրված որոնման համակարգը գտնում է մատչելի ավիատոմսեր Գյումրիի օդանավակայանից թռիչքներ իրականացնող ավիաընկերություններում, համեմատում դրանք և դասակարգում ըստ օգտատիրոջ օգտագործած զտիչների (ֆիլտրեր)։ Օգտատերը հեշտությամբ կարողանում է կողմնորոշվել և գտնել ցանկալի ուղղությամբ տոմսեր ու ամրագրել դրանք առաջարկող օնլայն հարթակներից մեկում։
Flygyumri.pro կայքում հասանելի են նաև 4 օդանավակայանների թռիչքների ժամանակացույցերը՝ Գյումրի Շիրակ, Երևանի Զվարթնոց, Թբիլիսիի և Քութայիսիի միջազգային օդանավակայաններինը։
Ներկայումս Գյումրիից իրականացվում են թռիչքներ դեպի Ռուսաստանի քաղաքներ՝ Մոսկվայի Վնուկովո և Դոմոդեդովո օդանավակայաններ, Սամարա, Ռոստով և Կրասնոդար։ Հնարավոր է ամրագրել նաև տրանզիտ երթուղով տոմսեր դեպի Եկատերինբուրգ, Սուրգուտ, Սանկտ Պետերբուրգ և այլ քաղաքներ։
«Ֆլայ Գյումրին» կհեշտացնի ուղևորների կյանքն ու Գյումրին ավելի մատչելի ձևով կներկայացնի աշխարհին։
Կայքը հասանելի է հետևյալ հասցեով — https://flygyumri.pro
Հյուրանոցների էջը — https://flygyumri.pro/hotels
No comments:
Post a Comment